no images were found
एएएचएल आणि ब्लिंकिटने मुंबई विमानतळावर भारतातील पहिली इन-टर्मिनल क्विक कॉमर्स सेवा सुरू केली
• सीएसएमआयए टर्मिनल २ वर ई–कॉमर्स प्लॅटफॉर्मद्वारे दिली जाणारी ही पहिली इन–टर्मिनल क्विक कॉमर्स डिलिव्हरी सेवा आहे.
• प्रवासी आता बोर्डिंग गेट्स, लाउंज, फूड कोर्ट आणि भागीदार आऊटलेट्स यांसारख्या ठिकाणी त्यांच्या ऑर्डर्स मिळवू शकतात.
• या डिलिव्हरी प्रशिक्षित कर्मचाऱ्यांमार्फत काही मिनिटांतच पूर्ण केल्या जातील, ज्यामुळे प्रवाशांना सुरक्षित आणि विनाअडथळा अनुभव मिळेल.
मुंबई, : घाईघाईत प्रवास करणाऱ्या प्रवाशांसाठी आता विसरलेला चार्जर, जलदपणे स्नॅक किंवा पाण्याची बाटली केवळ एका टॅपसह उपलब्ध होईल.अदानी एअरपोर्ट होल्डिंग्स लिमिटेड (एएएचएल) या भारतातील सर्वात मोठ्या खाजगी विमानतळ ऑपरेटरने आघाडीचे क्विक कॉमर्स प्लॅटफॉर्म ब्लिंकिटसोबत सहयोगाने मुंबईतील छत्रपती शिवाजी महाराज आंतरराष्ट्रीय विमानतळावर (सीएसएमआयए) भारतातील पहिली इन-टर्मिनल क्विक कॉमर्स सेवा सुरू केली आहे. ही सेवा सध्या टर्मिनल २, डोमेस्टिक डिपार्चर येथे सुरू झाली आहे आणि याद्वारे विमानतळावर प्रत्यक्ष अॅप-आधारित डिलिव्हरीचा अनुभव प्रवाशांना घेता येणार आहे.
प्रवासी आता त्यांच्या गरजेच्या वस्तू ब्लिंकिट अॅपद्वारे मागवू शकतात आणि या वस्तू त्यांना टर्मिनलमध्ये बोर्डिंग गेट्स, लाउंज, फूड कोर्ट आणि ठराविक भागीदार आऊटलेट्स अशा ठिकाणी पोहोचवल्या जातील. प्रवासाच्या वेळेत कोणताही अडथळा न आणता ही डिलिव्हरी प्रशिक्षित कर्मचाऱ्यांमार्फत केली जाईल, ज्यामुळे प्रवाशांना सुरक्षित आणि विनाअडथळा अनुभव मिळेल.
एएएचएलचे प्रवक्ता म्हणाले, ”अदानी एअरपोर्ट्स डिजिटल सेवांच्या माध्यमातून विमानतळावरील अनुभव अधिक चांगला कसा करता येईल, याचा नव्याने विचार करत आहे. विमानतळ टर्मिनलमध्ये अॅप-आधारित सुविधा उपलब्ध करून दिल्यामुळे प्रवाशांना त्यांच्या वेळेचा अधिक चांगला वापर करता येईल आणि यामुळे सेवेचा दर्जा देखील उंचावेल. हे अधिक प्रतिसाद देणारी आणि प्रवासी-केंद्रित विमानतळे उभारण्याच्या दिशेने पाऊल आहे.”
या सुविधेमध्ये प्रवासासाठी लागणाऱ्या वस्तू, इलेक्ट्रॉनिक्स, स्नॅक्स, पुस्तके, लहान मुलांची काळजी घेण्यासाठी लागणारी उत्पादने आणि वैयक्तिक गरजांच्या वस्तूंचा समावेश आहे. पॅकेज्ड वॉटर, शीतपेये आणि ज्यूस यांसारखे परवानगी असलेले द्रव पदार्थ विमानतळाच्या सुरक्षा नियमांनुसार टर्मिनलवरील मंजूर इन्व्हेंटरीमधून मिळवले जातात.ब्लिंकिटसाठी हा उपक्रम क्विक कॉमर्सला अशा ठिकाणी घेऊन जातो, जेथे मागणी आणि गरज दोन्ही जास्त आहे. यामुळे ऑनलाइन सेवेचा वापर आणि ग्राहकांपर्यंत पोहोच अधिक वाढण्यास मदत होईल. एएएचएलसाठी या सेवेमधून प्रवाशांकरिता सोयीसुविधा वाढवण्याचे, तसेच डिजिटल रिटेलच्या माध्यमातून नॉन एरो ग्रोथ वाढवण्याचे धोरणात्मक प्रयत्न दिसून येतात.
ही सेवा विमानतळावरील किरकोळ विक्रीमध्ये सुलभता आणि परवडणारे दर यांचा नवीन स्तर निर्माण करते, ज्यामुळे प्रवाशांना वेळ आणि ठिकाणाच्या मर्यादेशिवाय अधिक पर्याय उपलब्ध होतात.
टर्मिनल २ वरील प्रवाशांची मोठी संख्या लक्षात घेता हा उपक्रम प्रवासादरम्यान जाणवणारी महत्त्वाची उणीव भरून काढतो आणि प्रवाशांना गरजेच्या वेळी जीवनावश्यक वस्तू उपलब्ध करून देतो.
सुरू करण्यात आलेली ही सेवा एएएचएलच्या तंत्रज्ञान-आधारित आणि प्रवासी-केंद्रित विमानतळे उभारण्याच्या ध्येयाशी सुसंगत आहे, जेथे सुविधा, सुलभता आणि विनाअडथळा डिजिटल अनुभव प्रवासाची नवी व्याख्या ठरवतात.
