अदाणी आणि युथ4जॉब्स यांची ‘ग्लोबल एबिलिटी फोटोग्राफी चॅलेंज 2026’ साठी भागीदारी

अदाणी आणि युथ4जॉब्स यांची ‘ग्लोबल एबिलिटी फोटोग्राफी चॅलेंज 2026’ साठी भागीदारी

अहमदाबाद :युथ4जॉब्सचा उपक्रम असलेल्या नॉटजस्टआर्ट ने,अदाणी ग्रीन टॉक्स च्या भागीदारीत,‘ग्लोबल एबिलिटी फोटोग्राफी चॅलेंज (जीएपीसी) 2026’च्या पाचव्या आवृत्तीची घोषणा केली आहे. ही भारतातील दिव्यांग व्यक्तींसाठीची सर्वात मोठी समावेशक फोटोग्राफी स्पर्धा असून ती जागतिक स्तरावर खुली आणि विनामूल्य आहे.

       गेल्या चार आवृत्त्यांमध्ये या स्पर्धेने 8 दशलक्षांहून अधिक लोकांपर्यंत पोहोच साधली आहे, 50,000 पेक्षा अधिक सहभागी यामध्ये सहभागी झाले असून 30 हून अधिक देशांमधून नोंदी प्राप्त झाल्या आहेत. मागील वर्षी या स्पर्धेचे प्रदर्शन जपान आणि दुबई येथे आयोजित करण्यात आले होते.

      जीएपीसी ही स्पर्धा दिव्यांग छायाचित्रकारांना—हौशी तसेच व्यावसायिक—त्यांचे अनुभव आणि दृष्टीकोन मांडणारी छायाचित्रे सादर करण्यासाठी आमंत्रित करते. या माध्यमातून त्यांच्या कथा मुख्य प्रवाहात आणून दिव्यांगत्वाविषयीची धारणा बदलण्याचा या उपक्रमाचा उद्देश आहे.

      युथ4जॉब्स फाऊंडेशन च्या संस्थापक आणि मुख्य कार्यकारी अधिकारी मीरा शेनॉय म्हणाल्या, “ग्लोबल एबिलिटी फोटोग्राफी चॅलेंज स्पष्टपणे दाखवते की योग्य व्यासपीठ मिळाल्यास दिव्यांग व्यक्ती फक्त सहभागी होत नाहीत, तर त्यांच्या अनोख्या आणि प्रभावी दृष्टिकोनातून नेतृत्व करतात. आमचे अनेक विजेते विविध आव्हानांवर सर्जनशीलतेने मात करून नवीन क्षेत्रांमध्ये कामगिरी करत आहेत.”

       अदाणी एअरपोर्ट्स होल्डिंग्ज लिमिटेड चे संचालक जीत अदाणी म्हणाले, “नॉटजस्टआर्ट आणि युथ4जॉब्स फाऊंडेशन सोबत भागीदारी करताना आम्हाला आनंद होत आहे. या उपक्रमाद्वारे जागतिक दिव्यांग प्रतिभेला एकत्र आणून फोटोग्राफीसारख्या सुंदर, सर्जनशील आणि सार्वत्रिक छंदामध्ये स्पर्धा करण्यासाठी व्यासपीठ उपलब्ध करून दिले जात आहे. खरोखरच, प्रत्येक चित्र हजारो शब्द सांगते.”

       पुरस्कार आणि सन्मान: उत्कृष्ट प्रतिभेला ओळख देण्यासाठी या स्पर्धेत आकर्षक पारितोषिके तसेच जागतिक स्तरावर प्रदर्शनाच्या संधी उपलब्ध आहेत. पहिल्या क्रमांकाच्या विजेत्यास ₹5,00,000, दुसऱ्या क्रमांकासाठी ₹3,00,000, तिसऱ्या क्रमांकासाठी ₹2,00,000 तर चौथ्या ते दहाव्या क्रमांकापर्यंतच्या विजेत्यांना प्रत्येकी ₹1,00,000 असे पारितोषिक प्रदान केले जाईल.

       सर्वोत्कृष्ट 20 छायाचित्रांची निवड करून त्यांचे प्रदर्शन आयोजित केले जाईल. टॉप 10 विजेत्यांना आंतरराष्ट्रीय स्तरावरील प्रॉडक्ट डिझायनर मायकेल फोली (फॉली डिझाइन्स आणि टीएलव्ही सोल्यूशन्सचे संस्थापक) यांनी डिझाइन केलेली ट्रॉफी प्रदान केली जाईल. सर्व सहभागीांना सहभाग प्रमाणपत्र दिले जाईल.

       पुरस्कार वितरण सोहळा आणि प्रदर्शन 24 जून 2026 रोजी अहमदाबाद येथे आयोजित केले जाईल. निवडक भारतीय विजेते आणि एका आंतरराष्ट्रीय सहभागीचा प्रवास व निवास खर्च आयोजकांकडून केला जाईल. निवडक छायाचित्रे विविध माध्यमांमध्ये आणि जागतिक मोहिमांमध्येही प्रदर्शित केली जातील.