अॅमेझॉन एमएक्स प्लेयरची नवीन कोर्टरूम ड्रामा सिरीज ‘अमर विश्वास’; ट्रेलर प्रदर्शित

Oplus_131072

अॅमेझॉन एमएक्स प्लेयरची नवीन कोर्टरूम ड्रामा सिरीज ‘अमर विश्वास’; ट्रेलर प्रदर्शित
मुंबई :अॅमेझॉन एमएक्स प्लेयरने त्यांच्या आगामी ओरिजनल कोर्टरूम ड्रामा सिरीज ‘अमर विश्वास’ चा ट्रेलर आज प्रदर्शित केला आहे. या सिरीजमध्ये राजीव खंडेलवाल, आमिर अली आणि रवी बहल यांच्या प्रमुख भूमिका असून, ही मालिका 11 फेब्रुवारी 2026 पासून मोफत स्ट्रीमिंगसाठी उपलब्ध होणार आहे.
‘अमर विश्वास’ ही कथा प्रसिद्ध सिनेनिर्माते जेसू मोमीन यांच्या हत्येभोवती फिरते. या प्रकरणात बहार चक्रवर्ती या तरुणीवर संशय घेतला जातो. मात्र, हटके विचारसरणीचा वकील अमर विश्वास तिचा बचाव करताना अनेक धक्कादायक सत्ये समोर आणतो. सत्ता, गुन्हेगारी आणि न्याय यांमधील संघर्ष ही या सिरीजची मध्यवर्ती थीम आहे.
प्रसिद्ध लेखक सुहास शिरवळकर यांच्या कादंबऱ्यांवर आधारित ही सिरीज अर्जुन सिंग बरान आणि कार्तिक डी. निशांदार यांनी GSEAMS बॅनरखाली तयार केली आहे. कोर्टरूम ड्रामा आणि तपास कथानक यांचे प्रभावी मिश्रण या मालिकेत पाहायला मिळणार आहे.
अॅमेझॉन एमएक्स प्लेयरचे हेड ऑफ कंटेंट अमोघ दुसाद यांनी सांगितले की, भारतीय साहित्यावर आधारित सशक्त आणि भावनिक कथा प्रेक्षकांपर्यंत पोहोचवण्याचा हा प्रयत्न आहे.
मुख्य भूमिका साकारणारे राजीव खंडेलवाल म्हणाले की, “अमर विश्वास हे पारंपरिक नायकापेक्षा वेगळे आणि नैतिक संघर्षांनी भरलेले पात्र आहे.”
ही सिरीज एमएक्स प्लेयर अॅप, अॅमेझॉन शॉपिंग अॅप, प्राइम व्हिडिओ, फायर टीव्ही आणि कनेक्टेड टीव्हीवर पाहता येणार आहे.