no images were found
डिजिटल युगातील अध्यापनासाठी शिवाजी विद्यापीठात ई-कन्टेन्ट व ऑनलाइन पेडॅगॉजी कार्यशाळा
कोल्हापूर(प्रतिनिधी):शिवाजी विद्यापीठाच्या दूरशिक्षण व ऑनलाईन शिक्षण केंद्राच्या वतीने पीएम-उषा योजनेंतर्गत विविध विद्याशाखांतील अध्यापन व अध्ययन अधिक गुणवत्तापूर्ण, डिजिटलदृष्ट्या सक्षम आणि प्रभावी करण्याच्या उद्देशाने “ई-कन्टेन्ट डेव्हलपमेंट आणि ऑनलाइन पेडॅगॉजी” या विषयावर दि. १२ व १३ जानेवारी २०२६ रोजी सकाळी १० ते सायंकाळी ६ या वेळेत दोन दिवसीय कार्यशाळेचे आयोजन करण्यात आले आहे, अशी माहिती संचालक डॉ. कृष्णा पाटील यांनी दिली.
या कार्यशाळेसाठी पुणे येथील विद्यादीप फाउंडेशनचे शैक्षणिक तंत्रज्ञ डॉ. दीपक ताटपुजे तसेच व्हिडिओ एडिटर व Google Gemini Certified Educator श्री. सतीश शेंडे हे प्रमुख मार्गदर्शक म्हणून उपस्थित राहणार आहेत.
या कार्यशाळेत विविध विद्याशाखांतील शिक्षकांसाठी; ई-कन्टेन्ट निर्मिती, डिजिटल व ऑनलाइन पेडॅगॉजी, LMS आधारित अध्यापन, आर्टिफिशियल इंटेलिजन्सचा शैक्षणिक वापर, तसेच कंटेन्ट डिझाइन व मल्टिमीडिया निर्मिती या आधुनिक व कालसुसंगत घटकांवर प्रत्यक्ष (hands-on) प्रशिक्षण व मार्गदर्शन दिले जाणार आहे.
नवीन राष्ट्रीय शैक्षणिक धोरण, NAAC, NIRF आणि डिजिटल शिक्षणाच्या गरजांच्या पार्श्वभूमीवर ही कार्यशाळा अत्यंत महत्त्वाची असून सर्व संबंधित शिक्षक, अभ्यासक व संशोधकांनी या कार्यशाळेत मोठ्या संख्येने सहभागी व्हावे, असे आवाहन संचालक डॉ. कृष्णा पाटील यांनी केले आहे.
