न्यू कॉलेज ऑफ फार्मसी महाविद्यालया मध्ये ‘नशा मुक्त भारत अभियान’ कार्यक्रमाचे आयोजन        

Oplus_131072

न्यू कॉलेज ऑफ फार्मसी महाविद्यालया मध्ये ‘नशा मुक्त भारत अभियान’ कार्यक्रमाचे आयोजन                                         कोल्हापूर (प्रतिनिधी):न्यू कॉलेज ऑफ फार्मसी महाविद्यालयाने केंद्र सरकारच्या महत्त्वाकांक्षी ‘नशा मुक्त भारत अभियान’ अंतर्गत आज (दि. ९ डिसेंबर) एका भव्य कार्यक्रमाचे आयोजन केले होते. या कार्यक्रमात २०० हून अधिक विद्यार्थ्यांनी व्यसनापासून दूर राहण्याची शपथ घेतली. प्राचार्य डॉ. आर. बी. कुंभार यांच्या नेतृत्वाखाली आयोजित या उपक्रमात  तज्ज्ञांच्या व्याख्यानांनी विद्यार्थ्यांना अमली पदार्थांच्या धोक्यांविषयी जागरूक केले. महाविद्यालयाच्या राष्ट्रीय सेवा योजना (NSS) विभागाने या अभियानाची धुरा सांभाळली. आयोजित व्याख्यानात प्रमुख वक्ते प्रोफेसर डॉ. झकी तांबोळी सर  यांनी विद्यार्थ्यांशी संवाद साधला. त्यांनी, “व्यसन म्हणजे केवळ शारीरिक समस्या नाही, तर ते मानसिक आणि सामाजिक आधार तोडणारे आहे. तरुणाईनेच आता देशाचे भविष्य सुरक्षित करण्याची जबाबदारी घ्यावी,” असे आवाहन केले.  कार्यक्रमाच्या शेवटी, प्रा. प्रियांका  गायकवाड मॅडम यांनी सर्व विद्यार्थी आणि शिक्षकांना ‘मी व्यसनाचा त्याग करीन आणि इतरांनाही व्यसनमुक्त होण्यासाठी प्रेरित करेन,’ अशी सामूहिक शपथ दिली. यानिमित्त सर्व शिक्षकवृंद उपस्थित होते. नशा मुक्त भारत अभियान’ प्रति आपली बांधिलकी दर्शवण्यासाठी, महाविद्यालयामध्ये स्लोगन (घोषवाक्य) लेखन स्पर्धेचे आयोजन करण्यात आले आहे. या कार्यक्रमामुळे महाविद्यालयात व्यसनमुक्ती आणि निरोगी जीवनाबद्दल सकारात्मक आणि उत्साहाचे वातावरण निर्माण झाले.