no images were found
‘गणेश कार्तिकेय’ मालिकेत मोर हे कार्तिकेयाचे वाहन कसे झाले याची गोष्ट बघा
सोनी सबवरील ‘गणेश कार्तिकेय’ मालिकेत प्रेक्षक भगवान शिव (मोहित मलिक), देवी पार्वती (श्रेनु परीख) आणि त्यांची मुलं गणेश (एकांश कथुरिया) आणि कार्तिकेय (सुभान खान) यांची कहाणी बघत आहेत आणि या दिव्य कुटुंबातील प्रेम, उद्देश आणि वैश्विक संतुलनाचा अनुभव घेत आहेत. अलीकडच्या भागांमध्ये, प्रेक्षकांनी भृंगी ऋषींचे (रॉबिन दास) आगमन झाल्याचे पाहिले. भगवान शिवाच्या चरणी अपार निष्ठा असलेल्या या ऋषींकडून शक्ती मातेचे अवहेलना होते. त्यांना याचे ज्ञान करून देण्यासाठी भगवान शिव अर्धनारीश्वर रूपाचे दर्शन त्यांना देतात. या रूपात अर्धा देह शिवाचा आणि अर्धा देह पार्वतीचा असतो. स्त्री आणि पुरुषाच्या ऊर्जेचे हे एकात्म रूप आहे.
‘गाथा शिव परिवार की – गणेश कार्तिकेय’ मालिकेच्या आगामी भागांमध्ये, कहाणीला एक मोठे वळण मिळते. कार्तिकेयाचा सामना सुरपद्मन या बलाढ्य असुराशी होतो. सुरपद्मन शिवाचा भक्त असतो, पण आपल्या अहंकारामुळे तो देवांचा विरोधी होतो. त्या दोघांमध्ये तुंबळ युद्ध सुरू होते आणि मग त्यांचा विश्वास आणि करुणेची कसोटी होते. अखेरीस, कार्तिकेय सुरपद्मनचा पराभव करतो, पण त्याची दया येऊन त्याचे रूपांतर मोरात करतो. हा मोर कार्तिकेयाचे निष्ठावान वाहन बनतो. हा मोर पराक्रम आणि परिवर्तनाचे प्रतीक आहे. या मालिकेत इतरही सुरस कथा सादर होणार आहेत. यात चंद्राला बदलून टाकणारा चंद्रमाचा शाप तसेच करवा चौथची कथा देखील आहे, ज्यात गणेशाच्या आशीर्वादाने प्रेम आणि जीवन पुन्हा एकत्र येते.
कार्तिकेयाची भूमिका करणारा सुभान खान म्हणतो, “या कथानकात कार्तिकेयाची भूमिका करताना विशेष मजा आली, कारण यात दाखवले आहे की, एखाद्या युद्धाचा शेवट देखील करुणेत होऊ शकतो. एक मोर कार्तिकेयाचे वाहन कसे बनला याची कहाणी ही केवळ विजयाची गोष्ट नाही, तर समजूतदारपणा आणि क्षमाशीलतेची गोष्ट आहे. हा आपणा सर्वांसाठी एक सुंदर संदेश आहे.”
