no images were found
अभिषेक मलिकने शेअर केले त्याचे ऑन-द-गो फिटनेस हॅक्स
झी टीव्हीवरील ‘जमाई नंबर 1’ ही मालिका तिच्या रोचक कथानकामुळे आणि करिष्मादायक पात्रांमुळे प्रेक्षकांचे लक्ष वेधून घेत आहे. या मालिकेमध्ये मुख्य भूमिका नील साकारणारा अभिनेता अभिषेक मलिक परिपूर्णपणे आकर्षकपणा आणि जबाबदारी यांच्यातील समतोल साधत आहे. पडद्यावर प्रेक्षकांना खिळवून ठेवणारा अभिषेक, पडद्यामागेही व्यस्त शूटिंग शेड्यूल असूनही आपल्या आरोग्य आणि फिटनेसबद्दल तितकाच समर्पित आहे.
शूटिंगचे सततचे सीन आणि दीर्घ तासांच्या वेळापत्रकात फिटनेससाठी वेळ काढणे अनेकांसाठी कठीण वाटते. पण अभिषेक आपल्या धावपळीच्या दिवसांतही सक्रिय राहण्याच्या शिस्तीत अडथळा येऊ देत नाही. तो सेटवरील कोणत्याही मोकळ्या जागेला स्वतःच्या वर्कआउट स्पेसमध्ये रूपांतरित करतो. मेकअप रूममध्ये रेसिस्टन्स बँडने वर्कआउट करणे असो, सीनच्या बदलाच्या दरम्यान कोअर एक्सरसाईज करणे, किंवा दोन टेक्समधल्या वेळेत थोडा वॉक घेणे अशाप्रकारे अभिषेक सतत हालचाल करत राहतो. तो आपल्या शिस्तीचे श्रेय ‘माइंडफुल’ म्हणजे जागरूक खाण्यालाही देतो. शूटिंग दरम्यान ब्रेकमध्ये तो नेहमी घरचे साधे आणि सोपे जेवण पसंत करतो. साखरयुक्त स्नॅक्स टाळून, तो प्रोटीन बार्स, फळे आणि भरपूर पाणी घेणे पसंत करतो.
अभिषेक म्हणाला, “फिटनेस मला संतुलित ठेवतो, विशेषतः जेव्हा शूटिंगचे दिवस खूप लांबतात किंवा अनपेक्षित असतात. मला प्रत्येक वेळी जिमसाठी वेळ मिळत नाही, पण मी सतत हालचाल करत राहतो — जरी तो फक्त 15 मिनिटांचा सेटवरील वॉक असो, शॉट्समधून ब्रेक घेत स्ट्रेचिंग असो, पायऱ्या चढणे असो किंवा स्टेप-अप एक्सरसाईज. अनेक वेळा मी सेटवर जे काही सापडेल त्याचा वापर करतो — उदा. स्क्वॉट्ससाठी खुर्ची, पुश-अप्ससाठी भिंत. फिटनेस म्हणजे केवळ सिक्स-पॅक अॅब्स नव्हे — तर सतत सक्रिय राहणे, ताजेतवाने वाटणे, आणि शरीर व मनाची काळजी घेणे. धावपळीच्या दिवसात या छोट्या सवयी खूप मोठा बदल घडवून आणतात.”
अभिषेकचा फिटनेसबाबतचा दृष्टिकोन सोपा पण प्रभावी आहे — खूप काही करण्यापेक्षा दररोज थोडे तरी काहीतरी करणे अधिक महत्त्वाचे आहे. आगामी भागांमध्ये प्रेक्षकांना पाहायला मिळेल की नील कशा पद्धतीने कांचनचे (पापिया सेनगुप्ता) खरे रूप समोर आणण्याचा प्रयत्न करतो. पण तो यशस्वी होईल का? की कांचन पुन्हा एकदा तिच्या धूर्त डावांनी त्याला फसवेल?
