अतिजलद बुद्धिबळ स्पर्धेत आदित्य सावळकर व अरिन कुलकर्णी अजिंक्य तर सोहम खासबारदार व सर्वेश पोतदार उपविजेते; रवींद्र निकम व अथर्व तावरे तृतीय स्थानी.       

Oplus_0

अतिजलद बुद्धिबळ स्पर्धेत आदित्य सावळकर व अरिन कुलकर्णी अजिंक्य तर सोहम खासबारदार व सर्वेश पोतदार उपविजेते; रवींद्र निकम व अथर्व तावरे तृतीय स्थानी.                                                                                  कोल्हापूर (प्रतिनिधी) :- अयोध्या टॉवर दाभोळकर कॉर्नर कोल्हापूर येथे चेस असोसिएशन कोल्हापूरने 101 व्या जागतिक बुद्धिबळ दिनानिमित्त आयोजित केलेल्या पंधरा वर्षाखालील व खुल्या गटातील अतिजलद बुद्धिबळ स्पर्धा संपन्न झाल्या. विजया हणमंत इनामदार स्मृती खुल्या गटातील स्पर्धेत द्वितीय मानांकित कोल्हापूरच्या आदित्य सावळकरने सहापैकी सहा गुण मिळवून अजिंक्यपद पटकाविले तर तृतीय मानांकित कोल्हापूरच्या सोहम खासबागदारने पाच गुण व सरस टायब्रेक गुणामुळे उपविजेतेपदाचा मानकरी ठरला; अग्रमानांकित इचलकरंजीच्या रवींद्र निकमला तृतीय स्थानावर समाधान मानावे लागले. श्रेयस गाताडे कोल्हापूर व श्रीधर तावडे कोल्हापूर यांचा अनुक्रमे चौथा व पाचवा क्रमांक आला. कागलचे माजी आमदार दौलतरावजी निकम स्मृती पंधरा वर्षाखालील मुलांच्या अतिजलद बुद्धिबळ स्पर्धेत कोल्हापूरच्या अरिन कुलकर्णीने सहापैकी पाच गुण करून सरस टायब्रेक गुणामुळे अजिंक्यपद पटकाविले तर सर्वेश पोतदारला उपविजेते पदावर समाधान मानावे लागले. इचलकरंजीचा अथर्व तावरे, कोल्हापूरची अरीना मोदी व कोल्हापूरचा संस्कार काटकर यांचा अनुक्रमे तिसरा,चौथा व पाचवा क्रमांक आला. या स्पर्धा राष्ट्रीय बुद्धिमत्ता रवींद्र निकम व धनंजय इनामदार यांनी पुरस्कृत केल्या होत्या. त्याचबरोबर  युनिव्हर्सल सेक्युरिटी सर्व्हिसेस्  व अयोध्या फाउंडेशनचे  कॅप्टन उत्तम पाटील यांचे विशेष सहकार्य लाभले.                 स्पर्धेचा बक्षीस समारंभ डी वाय पाटील डीम्ड युनिव्हर्सिटी चे क्रीडा संचालक श्री शंकर गोनुगडे, सौ वर्षा ठक्कर, श्री सुधीर जितकर व सौ दीपा मिस्किन यांच्या हस्ते करण्यात आला.यावेळी व्यासपीठावर चेस असोसिएशन कोल्हापूरचे अध्यक्ष भरत चौगुले, सचिव मनिष मारुलकर, उपाध्यक्ष धीरज वैद्य खजिनदार प्रीतम घोडके, प्रशिक्षक उत्कर्ष लोमटे व राष्ट्रीय पंच आरती मोदी, प्रशांत पिसे इत्यादी  उपस्थित होते.                                                               इतर बक्षीस विजेते पुढीलप्रमाणे                                     *खुला गट*  :- 6) माधव देवस्थळी कोल्हापूर 7) शर्विल पाटील कोल्हापूर 8) सर्वेश सुतार इचलकरंजी 9) प्रणव मोरे कोल्हापूर 10) व्यंकटेश खाडे पाटील कोल्हापूर                                           पंधरा वर्षाखालील मुले 6) राजदीप पाटील कोल्हापूर 7) सिद्धांत पाटील इचलकरंजी 8) अथर्व कुंभार कोल्हापूर 9) आदित्य कोळी इचलकरंजी 10) वन्सिल ठक्कर कोल्हापूर                                               *उत्तेजनार्थ बक्षीसे*.                                                *साठ वर्षावरील जेष्ठ बुद्धिबळपटू* 1) बी एस नाईक कोल्हापूर                                                 *उत्कृष्ट महिला बुद्धिबळपटू* 1) ईशा पाटील कोल्हापूर 2) दीपा मिस्किन कोल्हापूर                                                           *पंधरा वर्षाखालील उत्कृष्ट मुली* 1) सृष्टी जोशीराव कोल्हापूर  2) आरोही बनसोडे कोल्हापूर                                                                    *बारा वर्षाखालील उत्कृष्ट मुले* 1) अन्वय भिवरे कोल्हापूर  2) दिविज कात्रुट कोल्हापूर                                                                                 *नऊ वर्षाखालील उत्कृष्ट मुले* 1) अवनीश जितकर कोल्हापूर  2) मयूर रणदिवे इचलकरंजी