no images were found
बालनाट्य स्पर्धा १३ जानेवारी पासून कोल्हापुरात
कोल्हापूर ( प्रतिनिधी):-राज्य शासनाच्या सांस्कृतिक कार्य संचालनालयामार्फत आयोजित २१ वी महाराष्ट्र राज्य बालनाट्य स्पर्धा, कोल्हापूर केंद्रावर १३ जानेवारी २०२५ पासून सुरु होत आहे. या स्पर्धेची प्राथमिक फेरी राज्यात १० वेगवेगळया केंद्रांवर आयोजित करण्यात आलेली आहे.
सांस्कृतिक कार्य मंत्री श्री. आशिष शेलार आणि सांस्कृतिक कार्य विभागाचे अपर मुख्य सचिव श्री. विकास खारगे यांच्या मार्गदर्शनाखाली या स्पर्धांचे आयोजन करण्यात येत आहे. कोल्हापूर – सांगली हे विभागून केंद्र असल्याने,
दिनांक १३ जानेवारी २०२५ ते दिनांक १७ जानेवारी २०२५ दरम्यान राजर्षी शाहू स्मारक भवन, कोल्हापूर येथे तसेच दिनांक १८ जानेवारी २०२५ ते २२ जानेवारी २०२५ पर्यंत सांगली येथे एकूण ४४ नाट्य संस्थांची बालनाट्य सादर होतील.
सातत्याने २० वर्ष चालणारी ही बालनाट्य स्पर्धा आहे. प्रत्येक दिवसाला चार ते पाच बालनाट्य प्रयोग होणार असून सकाळी ९ वा. ते दुपारी ४ वा. पर्यंत प्रयोग सादर होणार आहेत, नाट्य रसिकांनी याची नोंद घ्यावी. आपल्या जिह्यातील बालकलावंतांची कला पाहण्यास व त्यांना प्रोत्साहन देण्यास जास्तीत जास्त रसिक प्रेक्षकांनी उपस्थित राहावे, असे आवाहन सांस्कृतिक कार्य संचालक श्री. बिभीषण चवरे यांनी केले आहे.
