oplus_2
no images were found
पंडित नेहरू यांना जयंतीनिमित्त शिवाजी विद्यापीठात अभिवादन
कोल्हापूर (प्रतिनिधी): स्वतंत्र भारताचे पहिले पंतप्रधान पंडित जवाहरलाल नेहरू यांची जयंती शिवाजी विद्यापीठात आज उत्साहात साजरी करण्यात आली. विद्यापीठाच्या मुख्य प्रशासकीय इमारतीमध्ये आज सकाळी कुलगुरू डॉ. दिगंबर शिर्के आणि प्र-कुलगुरू डॉ. प्रमोद पाटील यांच्या हस्ते पंडित नेहरू यांच्या प्रतिमेस पुष्पहार अर्पण करून अभिवादन करण्यात आले. या प्रसंगी विद्यापीठाचे कुलसचिव डॉ. विलास शिंदे, वाणिज्य व व्यवस्थापन विद्याशाखा अधिष्ठाता डॉ.श्रीकृष्ण महाजन, क्रीडा संचालक डॉ. शरद बनसोडे, विद्यापरिषद सदस्य डॉ.जयवंत इंगळे, नेहरू अभ्यास केंद्राचे समन्वयक डॉ. प्रल्हाद माने यांच्यासह शिक्षक, प्रशासकीय अधिकारी व कर्मचारी तसेच विद्यार्थी-विद्यार्थिनी उपस्थित होते.
