no images were found
कोल्हापूर जिल्ह्यात विविध आस्थापनांना भेटी देऊन हलाल प्रमाणित उत्पादने न विकण्याचे आवाहन !
कोल्हापूर(प्रतिनिधी) – हिंदु जनजागृती समितीने यंदा दीपावलीच्या पार्श्‍वभूमीवर हलाल प्रमाणित उत्पादनांच्या विरोधात अभियान आरंभले आहे. या अंतर्गत समितीच्या शिष्टमंडळाने नुकतीच कोल्हापूर जिल्ह्यात विविध आस्थापनांना भेटी देऊन या अभियानात सहभागी होण्याचे आवाहन केले. जयसिंगपूर येथे ‘डी मार्ट’चे व्यवस्थापक जॉन राजरंगनाथन यांना निवेदन देण्यात आले. या वेळी महाराष्ट्र नवनिर्माण सेनेचे जिल्हा उपाध्यक्ष श्री. भगवंत जांभळे, शहर उपाध्यक्ष श्री.महेश पोरे, स्वयंरोजगार विभागाचे शहर उपसंघटक श्री. सुमंत रत्नपारखे, संभाजीपूर शाखाध्यक्ष श्री.महेश माने, भाजपाचे जिल्हा सरचिटणीस श्री.राजेंद्र दाईंगडे, शहर सरचिटणीस श्री. सुनिल ताडे, हिंदु जनजागृती समितीचे श्री. शिवानंद स्वामी आणि श्री. संजय घाटगे यांसह अन्य उपस्थित होते.
याच मागणीचे निवेदन कोल्हापूर शहर येथे ‘डी मार्ट’ आणि ‘स्टार बझार’ यांना देण्यात आले. या प्रसंगी उद्धव बाळासाहेब ठाकरे पक्षाचे उपजिल्हाप्रमुख श्री. संभाजीराव भोकरे, सकल हिंदू समाजाचे श्री. अभिजीत पाटील, हिंदू महासभेचे श्री. राजू तोरस्कर आणि श्री विकास जाधव,हिंदु जनजागृती समितीचे सर्वश्री शिवानंद स्वामी मधुकर नाझरे, महिंद्र अहिरे, प्रसाद कुलकर्णी उपस्थित होते.
गेल्या काही वर्षांपासून भारतात हेतूतः ‘हलाल’ प्रमाणित उत्पादनांची मागणी केली जात असून हिंदु व्यापार्यांना व्यवसाय करण्यासाठी ‘हलाल प्रमाणपत्र’ घ्यावे लागत आहे. साखर, तेल, आटा, चॉकलेट, मिठाई, सौंदर्यप्रसाधने, औषधे आदी विविध उत्पादनेही ‘हलाल प्रमाणित’ होऊ लागली आहेत. भारत सरकारच्या अधिकृत ‘अन्न सुरक्षा आणि मानक प्राधिकरण’ ((FSSAI) आणि ‘अन्न अन् औषध प्रशासन’ (FDA) या संस्था उत्पादनांचे प्रमाणिकरण करत असतांना वेगळ्या ‘हलाल प्रमाणिकरणा’ची आवश्यकताच काय? ‘हलाल प्रमाणिकरण’ व्यवस्थेतून मिळणार्या पैशांचा वापर आतंकवाद्यांना कायदेशीर साहाय्य देण्यासाठी केला जात आहे. या अघोषित हलालसक्तीच्या विरोधात हिंदु जनजागृती समितीच्या वतीने हलाल प्रमाणित उत्पादनांच्या विरोधात अभियान राबवले जात आहे. आस्थापनांनी अशा प्रकारच्या हलाल प्रमाणित उत्पादनांची विक्री थांबवून अभियानास सहकार्य करावे, असे आवाहन समितीने विविध आस्थापनांना केले आहे.
