कोल्हापूर : शिवाजी विद्यापीठाच्या मास कम्युनिकेशन विभागाच्या वतीने सोमवार दि. 21 ऑक्टोबर 2024 रोजी दुपारी 2 वाजता ज्येष्ठ पत्रकार संपादक अभिजीत कांबळे यांचे व्याख्यान होणार आहे. ‘माध्यमांची विश्वासार्हता’ या विषयावर ते उपस्थितांना संबोधित करतील. कुलगुरू प्रा. डॉ. दिगंबर शिर्के कार्यक्रमाच्या अध्यक्षस्थानी आहेत. हा कार्यक्रम सर्वांसाठी खुला आहे. विद्यार्थी, पत्रकार आणि नागरिकांनी मोठ्या संख्येने उपस्थित राहावे, असे आवाहन मास कम्युनिकेशनचे समन्वयक डॉ. शिवाजी जाधव यांनी केले आहे.