महानगरपालिकेमार्फत वॉल पेंटिंग स्पर्धेचा शुभारंभ

कोल्हापूर  : रविवार दिनांक 29 सप्टेंबर 2024 रोजी महापालिकेच्या आरोग्य विभागामार्फत स्वच्छता ही सेवा या पंधरवडा अभियानाअंतर्गत शहर सुशोभीकरण करण्यासाठी भिंती चित्र रंगविणे स्पर्धा आयोजित केली आहे. यामध्ये महासैनिक दरबार हॉल समोरील असलेल्या कंपौडवॉलवर चित्रे काढण्यात येत आहे.

            या भिंती चित्र स्पर्धेची सकाळी अतिरिक्त आयुक्त राहुल रोकडे व मुख्य आरोग्य निरीक्षक जयवंत पवार, आरोग्य निरिक्षक सुशांत कांबळे, स्वप्नील उलपे, सहा.आरोग्य निरिक्षक विनोद कांबळे यांनी पाहणी केली. या स्पर्धेसाठी 45 कलाकारांच्या 10 टीमने सहभाग घेतला असून त्यांच्या माध्यमातून वॉल पेंटिंग काढण्याची स्पर्धा सुरू करण्यात आलेली आहे. ही स्पर्धा स्वच्छ भारत मिशन, पर्यावरण संवर्धन (माझी वसुंधरा अभियान), राष्ट्रीय हरीत हवा कार्यक्रम, प्लॅस्टिक बंदी जनजागृती, 3R- Reducing, Reusing & Recycling, क्रिडाविषयक जनजागृती व कोल्हापूरमधील प्रेक्षणीय स्थळे असे 7 विषयावंर हि स्पर्धा घेण्यात येत आहे. या स्पर्धेत प्रथम क्रमांकास 25 हजार व प्रशस्तीपत्र, द्वितीय क्रमांकास 20 हजार व प्रशस्तीपत्र तृतीय क्रमांकास 15 हजार व प्रशस्तीपत्र, 3 उत्तेजनार्थांना रु.5 हजार व प्रमाणपत्र तसेच या स्पर्धेत भाग घेण्याऱ्या सर्व स्पर्धेकांना प्रमाणपत्र देण्यात येणार आहे.

            या स्पर्धेसाठी महापालिकेच्यावतीने भिंतीवर प्रायमर (पांढरा रंग) मारून दिलेला आहे स्पर्धेचे मुल्यांकन कला शिक्षकामार्फत व परिक्षण समितीमार्फत  करण्यात येत आहे.