कृषी व आत्मा विभागामार्फत शुक्रवारी जिल्हास्तरीय रानभाजी महोत्सव

कोल्हापूर : कृषी व आत्मा विभागामार्फत जिल्हास्तरीय रानभाजी महोत्सव शुक्रवार, दि. 23 ऑगस्ट रोजी सकाळी 10 ते सायं. 5 या वेळेत महालक्ष्मी सांस्कृतिक भवन, जिल्हा परीषद, कर्मचारी सहकारी सोसायटी लि. कार्यालय, स्काईज एक्सटेंशन, कोल्हापूर येथे होणार आहे. जिल्ह्यातील अधिकाधिक नागरिकांनी या महोत्सवाला भेट द्यावी, असे आवाहन आत्मा यंत्रणेच्या प्रकल्प संचालक रक्षा शिंदे यांनी केले आहे.

रानभाज्यांची ओळख, आरोग्यविषयक महत्व व जनजागृतीसाठी रानभाजी महोत्सवाचे आयोजन करण्यात आले असून आरोग्यासाठी पोषक असलेल्या दुर्मिळ रानभाज्या या माध्यमातून नागरिकांना उपलब्ध होणार आहेत. यामध्ये शेतकरी तसेच शेतकरी गटांमार्फत रानभाज्यांची विक्री केली जाणार असल्याचे कृषी विभागामार्फत कळविण्यात आले आहे.