जिल्ह्यातील 53 बंधारे पाण्याखाली राधानगरी धरणातून 1500 क्युसेक विसर्ग

 कोल्हापूर : जिल्ह्यातील राधानगरी धरणात 8.29 टीएमसी पाणीसाठा आहे. आज सकाळी 7 च्या अहवालानुसार राधानगरी धरणातून 1500 क्युसेक पाण्याचा विसर्ग सुरु आहे.

 पंचगंगा नदीवरील- शिंगणापूर, राजाराम, सुर्वे, रुई, इचलकरंजी, तेरवाड, शिरोळ व रुकडी, ताम्रपर्णी नदीवरील- कुर्तनवाडी, चंदगड, हल्लारवाडी, कोकरे व कोवाड, वेदगंगा नदीवरील- निळपण, वाघापूर, कुरणी, बस्तवडे व चिखली, हिरण्यकेशी नदीवरील -साळगाव, निलजी, ऐनापूर व गिजवणे, दुधगंगा नदीवरील- दत्तवाड, सिध्दनेर्ली, सुळकूड, बाचणी, तुरुंबे व कसबा वाळवे, कडवी नदीवरील- सवतेसावर्डे व सरुडपाटणे, वारणा नदीवरील -चिंचोली, तांदूळवाडी, कोडोली, माणंगाव, खोची, शिगांव व दानोळी, भोगावती नदीवरील- हळदी, राशिवडे, खडक कोगे, सरकारी कोगे, तारळे व शिरगांव, कासारी नदीवरील- यवलूज, ठाणे आळवे, पुनाळ तिरपण, बाजार भोगाव, पेंडाखळे, वालोली व करंजफेण, कुंभी नदीवरील- कळे, तुळशी नदीवरील- बीड व आरे असे एकूण 53 बंधारे पाण्याखाली आहेत.

 आपल्या जिल्ह्यातील धरणांमध्ये पुढीलप्रमाणे पाणीसाठा आहे. राधानगरी 8.29 टीएमसी, तुळशी 3.31 टीएमसी, वारणा 28.89 टीएमसी, दूधगंगा 21.87 टीएमसी, कासारी 2.36 टीएमसी, कडवी 2.52 टीएमसी, कुंभी 2.56 टीएमसी, पाटगाव 3.72 टीएमसी, चिकोत्रा 1.52 टीएमसी, चित्री 1.89 टीएमसी, जंगमहट्टी 1.22 टीएमसी, घटप्रभा 1.56 टीएमसी, जांबरे 0.82 टीएमसी, आंबेआहोळ 1.24 टीएमसी, सर्फनाला 0.48 टीएमसी व कोदे लघु प्रकल्प 0.21 टीएमसी इतका पाणीसाठा आहे.

 तसेच बंधाऱ्यांची पाणी पातळी पुढीलप्रमाणे आहे. राजाराम 38.11 फूट, सुर्वे 38.4 फूट, रुई 70.6 फूट, इचलकरंजी 69 फूट, तेरवाड 65.3 फूट, शिरोळ 64 फूट, नृसिंहवाडी 63.3 फूट, राजापूर 51.11 फूट तर नजीकच्या सांगली  37.3 फूट व अंकली 42.11 फूट अशी आहे.