no images were found
मतदार याद्यांच्या संक्षिप्त पुनरीक्षण कार्यक्रमांतर्गत पुणे विभागीय आयुक्त डॉ. चंद्रकांत पुलकुंडवार यांची ७ ऑगस्ट रोजी बैठक
कोल्हापूर : मतदार याद्यांच्या संक्षिप्त पुनरीक्षण कार्यक्रमांतर्गत पुणे विभागाचे विभागीय आयुक्त तथा मतदार यादी निरीक्षक डॉ. चंद्रकांत पुलकुंडवार हे सुधारीत कार्यक्रमानुसार दि. ७ ऑगस्ट २०२४ रोजी दुपारी ३.३० वाजता श्री शाहुजी सभागृह, जिल्हाधिकारी कार्यालय, कोल्हापूर येथे कोल्हापूर जिल्ह्यातील सर्व खासदार, आमदार, राजकीय पक्षाचे जिल्हाध्यक्ष व शहराध्यक्ष, प्रतिनिधी यांची बैठक घेणार आहेत.
मा. भारत निवडणूक आयोगाने दि. १ जुलै २०२४ या अर्हता दिनांकावर (Qualifying Date) आधारीत विशेष पुनरीक्षण कार्यक्रम (दुसरा) कार्यक्रम घोषित केला आहे. या अनुषंगाने राज्याचे मुख्य निवडणूक अधिकारी यांनी पुणे विभागाच्या विभागीय आयुक्तांना पुणे विभागातील ५ जिल्ह्यांसाठी मतदार यादी निरीक्षक म्हणून नियुक्त केले आहे.
विशेष पुनरीक्षण कार्यक्रमा बाबत काही सूचना असल्यास दि. ६ ऑगस्ट २०२४ रोजी सायंकाळी ५ वाजेपर्यंत dydeokolhapur@gmail.com या ई-मेल वर पाठवाव्यात, असे आवाहन कोल्हापूरचे जिल्हाधिकारी तथा जिल्हा निवडणूक अधिकारी अमोल येडगे यांनी केले आहे.
