छत्रपती शाहु महाराज युवा शक्ती करिअर शिबिराचे आयोजन

      कोल्हापूर : जिल्हा शासकीय औद्योगिक प्रशिक्षण संस्थेमार्फत छत्रपती शाहु महाराज युवा शक्ती करिअर शिबीराचे आयोजन करण्यात आले आहे. कार्यक्रमास पालकमंत्री, खासदार, आमदार यांची उपस्थिती असणार असून शिबीरामध्ये इयत्ता 10 वी व 12 वी उत्तीर्ण विद्यार्थ्यांसाठी तज्ञ व्याख्याते मार्गदर्शन करणार आहेत, अशी माहिती औद्योगिक प्रशिक्षण संस्थेचे प्राचार्य एम.एस.आवटे यांनी दिली आहे.

 शिबीर अमृतसिध्दि मल्टीपर्पज हॉल, कळंबा येथे बुधवार दि. 12 जून 2024 रोजी सकाळी 9 ते 5 या वेळेत तसेच केशवराव भोसले नाट्यगृह, मंगळवार पेठ, कोल्हापूर येथे मंगळवार दि. 18 जून 2024 रोजी सकाळी 9 ते 5 या वेळेत तर श्री स्वामी समर्थ लॉन, सांगरुळ, ता. करवीर येथे शुक्रवार दि. 21 जून 2024 रोजी सकाळी 9 ते 5 या वेळेत होणार आहे.

 शिबीरामध्ये दहावी, बारावी नंतरचे महाविद्यालयीन शिक्षण व अभ्यासक्रम, महाविद्यालयीन अभ्यासक्रम प्रवेश प्रक्रिया, कलमापन चाचणी, शैक्षणिक शिष्यवृत्ती योजना व कर्ज योजना माहिती व करिअर प्रदर्शिनी या विषयांवर मार्गदर्शन करण्यात येणार आहे.