no images were found
२५ सप्टेंबरला प्रवाह पिक्चरवर चंद्रमुखी सिनेमाचा वर्ल्ड टेलिव्हिजन प्रीमियर
सुपरहिट सिनेमांची मेजवानी देत प्रेक्षकांचा रविवार खास बनवणाऱ्या प्रवाह पिक्चरवर २५ सप्टेंबरला ब्लॉकबस्टर चंद्रमुखी सिनेमाचा वर्ल्ड टेलिव्हिजन प्रीमियर भेटीला येणार आहे. लेखक विश्वास पाटील यांच्या चंद्रमुखी कादंबरीवर हा सिनेमा बेतलेला असून राजकारणी दौलत देशमाने आणि लावणी कलावंत चंद्रा यांची प्रेमकहाणी सिनेमात पाहायला मिळेल. या सिनेमातलं चंद्रा हे गाणं आजही प्रेक्षकांच्या मनावर अधिराज्य गाजवत आहे. अजय-अतुलचं संगीत आणि चंद्रा म्हणजेच अमृता खानविलकरच्या दिलखेचक अदांनी या गाण्याला वेगळ्या उंचीवर नेऊन ठेवलं आहे. चंद्राच्या या अदा वर्ल्ड टेलिव्हिजन प्रीमियरच्या निमित्ताने प्रेक्षकांना पुन्हा एकदा अनुभवायला मिळणार आहेत. पावनखिंड, झिम्मा, कारखानिसांची वारी, स्टेपनी, बळी या सिनेमांच्या वर्ल्ड टेलिव्हिजन प्रीमियर नंतर आता उत्सुकता आहे चंद्रमुखी सिनेमाची. २५ सप्टेंबरला ब्लॉकबस्टर चंद्रमुखी सिनेमाचा वर्ल्ड टेलिव्हिजन प्रीमियर प्रवाह पिक्चरवर भेटीला येणार आहे.
