“मला शिवममध्ये छोटा वैभव दिसतो” घुगे 

गेल्या काही आठवड्यांपासून सोनी एन्टरटेन्मेंट टेलिव्हिजनचा स्वतःचा डान्स रियालिटी शो इंडियाज बेस्ट डान्सर 3 मधील ‘बेस्ट 13’ स्पर्धकांनी आपल्या अद्भुत परफॉर्मन्सेसने प्रेक्षकांचे भरपूर मनोरंजन केले आहे. या वीकएंडला ही लढत आणखीन तीव्र होत असताना या सत्रातील पहिले एलिमिनेशन देखील होईल! या स्पर्धेतील आपले स्थान आणखी मजबूत करण्यासाठी कोरिओग्राफर आणि स्पर्धक यांना एकत्रितपणे आपल्या परफॉर्मन्समधून हे सिद्ध करावे लागेल की, ते या स्पर्धेत जिंकण्यासाठी उतरले आहेत. 10 महत्तम गुणांच्या पलीकडे, प्रत्येक परीक्षकाकडून अतिरिक्त 1-1 गुण मिळवण्यासाठी त्यांना ‘एक और एक ग्यारह’ फेरीत प्रयत्नांची शिकस्त करावी लागेल. 

स्पर्धक शिवम वानखेडे आणि कोरिओग्राफर सोनाली कर आपला बॉलीवूड जलवा दाखवत या सत्रातली सर्वोच्च गुण मिळवणारी जोडी ठरेल. ‘सामी सामी’ गाण्यावर ते दोघे अप्रतिम परफॉर्मन्स देताना दिसतील. पण शिवमचे मनोबल वाढवण्यासाठी आलेल्या लोकप्रिय कोरिओग्राफर वैभव घुगेची उपस्थिती हे शिवमसाठी फार मोठे सर्प्राइज असेल. शिवमला आठ वर्षांचा असल्यापासून ओळखत असलेला वैभव सांगेल की गेल्या तीन वर्षांतील शिवमची प्रगती पाहून त्याला अभिमान वाटतो. शिवमच्या कुटुंबातील सदस्य म्हणून उपस्थित राहणे आपल्याला सन्मानाचे वाटते असे वैभव सांगेल. तो म्हणतो, “शिवम एक उत्तम विद्यार्थी आहे. मला तर त्याच्यात वैभवच दिसतो, छोटा वैभव!”