no images were found
बालकलाकार अजिंक्य मिश्रा आणि अभिनेता अदनान खान यांचे नाते पडद्याच्या मागे देखील उत्तम
100 एपिसोड यशस्वीरित्या पूर्ण करून अजून चालू असलेल्या सोनी एन्टरटेन्मेंट टेलिव्हिजनवरील कथा अनकही मालिकेने आकर्षक कथानक आणि लोभस पात्रं यांच्या बळावर प्रेक्षकांना खिळवून ठेवले आहे. अदनान खान आणि अदिती देव शर्मा या मालिकेत अनुक्रमे वियान आणि कथा या प्रमुख व्यक्तिरेखा साकारत आहेत. ‘कथा अनकही’ ही या दोघांच्या जीवनातील संघर्षाची आणि पश्चात्तापातून जन्मलेल्या प्रेमाची कहाणी आहे. अलीकडच्या भागांमध्ये प्रेक्षकांनी वियान आणि कथाचा मुलगा आरव (अजिंक्य मिश्रा) यांच्यातील प्रेमळ नाते बघितले आहे. कथाला मात्र हे माहीतच नाहीये की, आरवच्या बॅटमॅनचा साथीदार रॉबिन म्हणजे वियानच आहे.
अदनान खान आणि अजिंक्य मिश्रा यांची जोडी पडद्यावर फारच छान जमली आहे. त्यांच्यातील हे लोभस नाते प्रेक्षकांना भावले आहे. आरव आणि वियानची ओळख कराटे क्लासमध्ये झालेली आहे आणि त्यांच्यात खूप लवकर घट्ट नाते निर्माण झाले आहे. पडद्यावरील त्यांच्या या नात्यासारखेच अदनान आणि अजिंक्य यांचे प्रत्यक्ष जीवनातील नाते देखील बॅटमॅन आणि रॉबिन सारखे आहे. अदनानशी पडद्याच्या मागे असलेल्या आपल्या नात्याविषयी अजिंक्यला देखील काही तरी सांगायचे आहे. तो म्हणतो, “अदनान फक्त एक उत्तम अभिनेता नाही, तर एक अत्यंत विनम्र माणूस आहे. मी कुठेही अडकलो, तर तो मला लगेच मार्गदर्शन करतो.
