no images were found
‘राष्ट्र‘ चित्रपटाचा लक्ष वेधून घेणारा ट्रेलर लाँच
सध्या देशाच्या कानाकोपऱ्यात स्वातंत्र्याचा अमृत महोत्सवी सोहळा मोठ्या उत्साहात, जल्लोषात आणि देशप्रेमाने प्रेरित होऊन साजरा केला जात आहे. नेत्रदीपक अशा स्वातंत्र्याच्या अमृत महोत्सवी सोहळ्यानंतर प्रदर्शित होणारा ‘राष्ट्र’ हा आगामी चित्रपटही प्रेक्षकांच्या मनात राष्ट्रभक्तीची ज्योत जागवणारा आहे. नुकताच या चित्रपटाचा ट्रेलर लाँच करण्यात आला आहे. २६ ऑगस्ट रोजी हा चित्रपट संपूर्ण महाराष्ट्रात प्रदर्शित होणार आहे.
‘राष्ट्र’ या चित्रपटाद्वारे मराठी सिनेदिग्दर्शनात पदार्पण करणाऱ्या इंदरपाल यांनी समाजाला नवी दिशा देणारा चित्रपट बनवला आहे. यात त्यांनी आरक्षणाचा महत्त्वपूर्ण मुद्दा मांडला आहे. विक्रम गोखले, मोहन जोशी, रोहिणी हट्टंगडी, मिलिंद गुणाजी, रीमा लागू, संजय नार्वेकर, गणेश यादव आदी कलाकार या चित्रपटात आहेत. संगीतकार निखिल कामत आणि इंदरपाल सिंग यांनी या चित्रपटाला संगीत दिलं आहे.
