no images were found
अमित शाह करणार महाराष्ट्र-कर्नाटक सीमा वादात मध्यस्थी
नवी दिल्ली : महाराष्ट्र-कर्नाटक वादावर महाराष्ट्रातील अनेक पक्षातील खासदारांनी हा प्रश्न केंद्रानं सोडवावा अशी मागणी केली आहे. त्यामुळं हा वाद केंद्रानं सोडवण्याच्या मागणीनं जोर धरला असतानाच आता या वादात केंद्र सरकार मध्यस्थी करणार असल्याचं राष्ट्रवादीचे खासदार अमोल कोल्हे यांनी सांगितले.
अमित शाह १४ डिसेंबरला कर्नाटकचे मुख्यमंत्री बसवराज बोम्मई यांच्या सोबत महाराष्ट्र-कर्नाटक सीमावादावर चर्चा करणार आहेत. त्यानंतर मुख्यमंत्री एकनाथ शिंदे यांच्या सोबत देखील चर्चा करणार आहेत.आज महाराष्ट्रातील खासदारांनी केंद्रीय मंत्री अमित शाह यांची भेट घेवून कर्नाटक सरकार कडून सीमा भागातील तणावाबद्दल माहिती दिली त्यानंतर शाह यांनी चर्चेचे आश्वासन दिल्याचं असं खासदार कोल्हे यांनी सांगितलं.मात्र कर्नाटक सरकारने या वेळचं हिवाळी आधिवेशन 19 डिसेंबरपासून बेळगाव येथे सुरू होणार आहे, तर महाराष्ट्र एकीकरण समितीतर्फे 19 डिसेंबरलाच या अधिवेशनाच्या निषेधार्थ मराठी भाषिकांचा मेळावा आयोजित केला जाणार आहे. आणि या मेळाव्यासाठी महाराष्ट्रातील सत्ताधारी आणि विरोधक पक्षातील प्रतिनिधींना मेळाव्यासाठी निमंत्रण देण्यात आलं आहे.
