no images were found
गणेश कार्तिकेय’ ने पूर्ण केले 100 हृदयस्पर्शी एपिसोड्स
सोनी सबची पौराणिक गाथा गाथा शिव परिवार की – गणेश कार्तिकेय भगवान गणेश (निर्णय समाधिया) आणि शिव परिवाराच्या कथा प्रेक्षकांना सतत मोहून टाकत आहे. आध्यात्मिक वैभवाला उबदार, आपुलकीच्या कौटुंबिक क्षणांशी जोडत हा शो सुंदरपणे दाखवतो की दिव्य परिवार प्रेम, जबाबदारी आणि संघर्षाचा अनुभव कसा घेतो भगवान शिव (अविनेश रेखी) आणि देवी पार्वती (श्रेनु पारिख) यांच्या दिव्य गृहात.शोने 100 एपिसोड्स टप्पा गाठल्याच्या या महत्त्वपूर्ण क्षणी, संपूर्ण कलाकारवर्ग कृतज्ञतेने या अर्थपूर्ण यशाचा उत्सव साजरा करत आहे. शोची सध्याची कथा, जी भगवान गणेश आणि पवित्र अष्टविनायक यात्रेच्या गाथांचा मागोवा घेते, प्रेक्षकांशी खोलवर जोडली गेली आहे. ही कथा आध्यात्मिक महत्त्व आणि भावनिक कथाकथनाचा प्रभावी संगम सादर करते. ही उपलब्धी श्रद्धा, मूल्ये आणि भावनिक सत्याशी निगडित कथांवरील प्रेक्षकांच्या सातत्यपूर्ण प्रेमाचे प्रतिबिंब आहे.
श्रेनु पारिख(जी देवी पार्वतीची भूमिका साकारत आहे),म्हणाल्या की, “देवी पार्वतीचा प्रवास अत्यंत भावनिक आहे—ती एक आई आहे, मार्गदर्शक आहे आणि शक्तीचा स्रोत आहे. दिव्य कथाकथनातून कौटुंबिक नात्यांना अधोरेखित करणाऱ्या शोचा भाग होणे माझ्यासाठी अत्यंत समाधानकारक ठरले आहे. 100 एपिसोड्स हा टप्पा जितका आमच्या टीमचा आहे तितकाच आमच्या प्रेक्षकांचा आहे, कारण त्यांची श्रद्धा आणि आपुलकी आम्हाला दररोज प्रेरणा देते.”
अविनेश रेखी(जो भगवान शिवाची भूमिका साकारत आहे), म्हणाले की,“100 एपिसोड्स टप्पा ही फक्त एक संख्या नाही; ती प्रेक्षक आमच्यावर ठेवत असलेल्या विश्वासाची आठवण करून देते. गणेश कार्तिकेय मूल्ये, नाती आणि अंतर्गत प्रवासांवर केंद्रित आहे. भगवान शिव म्हणून, गणेश आणि कार्तिकेय दोघांना त्यांच्या मार्गावर मार्गदर्शन करणे माझ्यासाठी एक गहन अनुभव ठरला आहे. 100 एपिसोड्स करणे प्रेक्षकांनी आमच्यावर दाखवलेल्या विश्वासाला अधिक दृढ करते, आणि आम्ही आशा करतो की या कथा प्रामाणिकपणे आणि मनापासून पुढेही सांगत राहू.”
निर्णय समाधिया(जो भगवान गणेशाची भूमिका साकारत आहे) म्हणाले की, “भगवान गणेशाचा प्रवास शिकणे, वाढणे आणि भावनांना समजून घेण्याचा राहिला आहे, आणि मला भाग्यवान वाटते की प्रेक्षकांनी मला इतक्या आपुलकीने स्वीकारले आहे. 100 एपिसोड्स करणे अविश्वसनीय वाटते, आणि ही सफर इतकी संस्मरणीय बनवल्याबद्दल मी संपूर्ण टीमचा आभारी आहे मला आमचे प्रेक्षक खूप प्रिय आहेत, कृपया तुमचे प्रेम आणि आपुलकी अशीच आमच्यावर वर्षाव करत राहा. मला ही संधी दिल्याबद्दल मी बाप्पाचा मनःपूर्वक आभारी आहे.”
गणेश कार्तिकेय आपला दिव्य प्रवास पुढे चालू ठेवत असताना, टीम प्रेक्षकांसाठी आणखी अनेक संस्मरणीय क्षण आणण्याची आतुरतेने वाट पाहत आहे.पाहा ‘गणेश कार्तिकेय’, दर सोमवार ते शनिवार रात्री 8 वाजता, फक्त सोनी सबवर.
