आंतरभारती चेसमास्टर शालेय बुद्धिबळ स्पर्धेस उत्साहात प्रारंभ.       

Oplus_131072

आंतरभारती चेसमास्टर शालेय बुद्धिबळ स्पर्धेस उत्साहात प्रारंभ.                                                                         कोल्हापूर(प्रतिनिधी):- जिल्हा परिषद कर्मचारी सोसायटीचा महालक्ष्मी हॉल येथे चेस असोसिएशन कोल्हापूरच्या मान्यतेने आंतरभारती शिक्षण मंडळ कोल्हापूर व अरिहंत सोशल व एज्युकेशनल कोल्हापूर आयोजित केलेल्या दहा व सोळा वर्षाखालील शालेय मुला मुलींच्या बुद्धिबळ स्पर्धेस मोठ्या उत्साहात प्रारंभ झाला..इचलकरंजी, जयसिंगपूर, वारणानगर, गारगोटी, गडहिंग्लज, कागल, सांगली व स्थानिक कोल्हापुरातील नामवंत 197 बालबुद्धिबळपटू या स्पर्धेत सहभागी झाले आहेत.‌.दहा व सोळा वर्षाखालील मुला मुलींच्या स्वतंत्र गटात या स्पर्धा स्विस् लीग पद्धतीने एकूण सात फेऱ्यात होणार आहेत.या स्पर्धेचे उद्घाटन महिला उद्योजिका सौ. दीपिका मर्दा व आंतरभारती शिक्षण संस्थेच्या कार्याध्यक्ष सौ. पल्लवी कोरगावकर यांच्या हस्ते बुद्धिबळाच्या पटावर चाल करून करण्यात आले.यावेळी आंतरभारती शिक्षण संस्थेचे उपाध्यक्ष जिनरत्न रोटे, सचिव भरत शास्त्री, प्राथमिक सचिव संध्या वाणी, संचालिका नेहा कानकेकर, क्रीडा शिक्षक दगडू रायकर व सुरेखा मोरबाळे, आंतरराष्ट्रीय पंच भरत चौगुले, फिडे इन्स्ट्रक्टर मनीष मारुलकर, वरिष्ठ राष्ट्रीय पंच आरती मोदी, आदित्य सावळकर, किरण शिंदे, मानस महाडेश्वर ,आदित्य आळतेकर व आर्यन पाटील उपस्थित होते. आज झालेल्या स्पर्धेच्या चौथ्या फेरीनंतर दहा वर्षाखालील मुलांच्या गटात द्वितीय मानांकित अथर्वराज ढोले कोल्हापूर,रिधान कारवा इचलकरंजी,अर्णव वरुटे कोल्हापूर व सांची बजाज इचलकरंजी हे चौघेजण चार गुणासह संयुक्तपणेे आघाडीवर आहेत. तर सोळा वर्षाखालील मुलांच्या गटात चौथ्या फेरीनंतर अग्रमानांकित गडहिंग्लजचा स्वरूप साळवे, द्वितीय मानांकित जयसिंगपूरचा हित बलदवा, तृतीय मानांकित इचलकरंजीचा अथर्व तावरे, चौथा मानांकित सेनापती बापट चा प्रेम निचल, अकरावा मानांकित कोल्हापूरचा अद्वैत कुलकर्णी, अठरावा मानांकित सांगलीचा देवांग शहा व 22 वा मानांकित सांगलीचा रुद्र माने हे सात जण चार गुणासह संयुक्तपणे आघाडीवर आहेत.सूत्रसंचलन श्री समीर जमादार व सदाशिव ह्राटवळ यांनी केले तर नेहा कानकेकर यांनी आभार मानले.