no images were found
अदानी पॉवरने जाहीर केले दुसऱ्या तिमाहीचे (Q2 FY26) निकाल
अहमदाबाद, 30 ऑक्टोबर 2025: अदानी समूहाचा एक भाग असलेल्या अदानी पॉवर लिमिटेड (APL) यांनी आज 30 सप्टेंबर 2025 रोजी संपलेल्या दुसऱ्या तिमाही आणि अर्धवार्षिक कालावधीचे आर्थिक निकाल जाहीर केले.
निकालांवर प्रतिक्रिया देताना अदानी पॉवर लिमिटेडचे मुख्य कार्यकारी अधिकारी (CEO) श्री. एस. बी. ख्यालिया म्हणाले,“अदानी पॉवरने हवामानातील बदलांमुळे मागणीत चढ-उतार झाले असले तरी या तिमाहीतही मजबूत आणि स्थिर आर्थिक कामगिरी दाखवली आहे. हे आमची कार्यक्षमता आणि स्पर्धात्मकता दाखवते. आम्ही SHAKTI योजनेअंतर्गत आणखी 4.5 GW क्षमतेचे दीर्घकालीन वीज खरेदी करार (पीपीए) करून बाजारातील आमची उपस्थिती वाढवत आहोत. आमचा मजबूत नफा आणि तरलता (liquidity) आम्हाला 2031-32 पर्यंत 42 GW क्षमतेचा विस्तार साध्य करण्यासाठी योग्य स्थितीत ठेवते. 23.7 GW विस्तार प्रकल्पांसाठी आवश्यक उपकरणे आणि जमीन मिळवण्याचे काम पूर्ण झाले असून प्रकल्पाची अंमलबजावणी जलद गतीने सुरू आहे. भारताच्या वीज क्षेत्राच्या वाढीत महत्त्वाची भूमिका निभावल्याचा आम्हाला अभिमान आहे आणि देशाला विश्वासार्ह, विस्तारयोग्य आणि शाश्वत वीज पुरवण्यासाठी आम्ही कटिबद्ध आहोत.”
30 सप्टेंबर 2025 पर्यंत अदानी पॉवरची एकूण कार्यरत क्षमता 17550 मेगावॅटवरून वाढून 18150 मेगावॅट झाली आहे, कारण कंपनीने 600 मेगावॅट क्षमतेची विदर्भ इंडस्ट्रीज पॉवर लिमिटेड विकत घेतली. ऊर्जेच्या मागणीत मंदी असूनही, कंपनीने आर्थिक वर्ष 26 च्या दुसऱ्या तिमाहीमध्ये 7.4% वाढीसह 23.7 अब्ज युनिट्स वीज विक्री केली, जी मागील वर्षाच्या याच कालावधीत 22 अब्ज युनिट्स होती. आर्थिक वर्ष 26 च्या दुसऱ्या तिमाहीमध्ये व्यापारी आणि अल्पकालीन वीज विक्रीचे प्रमाण 12.9% वाढून 5.7 अब्ज युनिट्स झाले, तर H1 FY26 मध्ये हे प्रमाण 10.5% वाढून 11.4 अब्ज युनिट्सपर्यंत पोहोचले.
अदानी पॉवर लिमिटेड (APL) ने 25 वर्षांसाठी बिहार राज्य वीज निर्मिती कंपनीसोबत 2400 मेगावॅट क्षमतेचा वीजपुरवठा करार (PSA) केला आहे, जो भागलपूर जिल्ह्यातील पिरपैंती येथील नवीन अल्ट्रा सुपरक्रिटिकल थर्मल प्रकल्पातून पुरवला जाईल. तसेच, मध्य प्रदेशातील अनुपपूर येथील 2400 मेगावॅट प्रकल्पातून 25 वर्षांसाठी 1600 मेगावॅट वीजपुरवठ्याचे एलओए मिळाले आहे. कर्नाटक पॉवर कंपनीकडून रायपूर प्रकल्पातून 25 वर्षांसाठी 570.5 मेगावॅट वीजपुरवठ्याचे एलओए प्राप्त झाले आहे. विदर्भ इंडस्ट्रीज पॉवर लिमिटेडने महाराष्ट्र डिस्कॉमसोबत 5 वर्षांसाठी 500 मेगावॅट क्षमतेचा करार केला आहे. महान एनर्जन लिमिटेडला सिंगरौली (म.प्र.) येथील धिरौली कोळसा खाण सुरू करण्यास मंजुरी मिळाली आहे. कंपनीने 22 सप्टेंबर 2025 रोजी शेअर्सचे 1:5 प्रमाणात स्प्लिट पूर्ण केले असून, 10 रुपयांच्या एका शेअरऐवजी 2 रुपयांचे पाच शेअर्स करण्यात आले आहेत. तसेच, इंडिया रेटिंग्सने अदानी पॉवरच्या 58000 कोटींच्या बँक कर्ज सुविधांना AA (Stable)/A1+ असा दर्जा कायम ठेवला आहे.
