no images were found
संजय शिरसाट औरंगाबादहून एअर अॅम्ब्युलन्सने पुढील उपचारासाठी मुंबईत
औरंगाबादमधील शिंदे समर्थक आमदार संजय शिरसाट यांना ह्रदयविकाराचा झटका आला आहे. दोन दिवसांपासून त्यांची तब्येत बिघडलेली होती त्यामुळे सोमवारी दुपारी त्रास जाणल्याने त्यांना औरंगाबादमधील सिग्मा रुग्णालयात दाखल करण्यात आले होते. पुढील उपचारासाठी त्यांना एअर अॅम्ब्युलन्सने मुंबईत आणण्यात आले आहे. मुंबईतील लीलावती रुग्णालयात त्यांना दाखल केले असून मुख्यमंत्री एकनाथ शिंदे यांनी फोनवरून शिरसाट यांच्या प्रकृतीची माहिती घेतली. संजय शिरसाट हे औरंगाबाद पश्चिम मतदारसंघाचे आमदार आहेत.
