देशातील सर्वात श्रीमंत मुस्लिम महिला !

मुंबई : भारतातील मुस्लिमांची आर्थिक स्थिती हा एक गुंतागुंतीचा विषय आहे. अलिकडच्या वर्षांत सरकारने मुस्लिमांची सामाजिक-आर्थिक स्थिती सुधारण्यासाठी अनेक पावले उचलली आहेत. इतर धर्मात श्रीमंत आणि अब्जाधीशांची संख्या जितकी आहे तितकी मुस्लिम समाजात नाही. मात्र, एका मुस्लीम महिलेने स्वतःची वेगळी ओळख निर्माण केली आहे. ती देशातील सर्वात श्रीमंत मुस्लिम महिला आहे.
फराह मलिक असे या मुस्लीम धर्मातील सर्वात श्रीमंत महिलेचे नाव आहे. त्या मेट्रो ब्रँडच्या व्यवस्थापकीय संचालक आहेत. हा ब्रँड प्रीमियम शूज विकतो. फराह मलिक यांची संपत्ती 26 हजार कोटी रुपयांहून अधिक आहे. मेट्रो ब्रँडला नवी ओळख देण्यात फराह यांनी महत्त्वाची भूमिका बजावली आहे.फराह ह्या कंपनीचे अध्यक्ष अब्जाधीश रफिक मलिक यांची मुलगी आहे. त्यांचे आजोबा मलिक तेजानी यांनी 1955 मध्ये मुंबईत ही कंपनी स्थापन केली होती. फराहने मेट्रो शूजला आधुनिक रिटेल क्षेत्रातील नवीन युगात मार्गदर्शन केले आहे. कंपनीच्या ब्रँडमध्ये मोची, मेट्रो आणि वॉकवे यांचा समावेश आहे.कंपनीचे बाजार भांडवल 8 डिसेंबरपर्यंत 35,117 कोटी रुपये होते. पाच मुलींमध्ये फराह दुसऱ्या क्रमांकावर आहे. त्यांचे वडील रफिक यांची संपत्ती 12 एप्रिलपर्यंत 21,697 कोटी रुपये आहे.
फराह यांना पादत्राणे उद्योगात 20 वर्षांपेक्षा जास्त अनुभव आहे. कंपनीच्या वाढीसाठी त्यांनी अनेक उपक्रम हाती घेतले. मेट्रो ब्रँड्स लिमिटेडचे तंत्रज्ञान आणि पुरवठा साखळी सुधारण्यासाठी फराह यांचे प्रयत्न प्रशंसनीय होते. त्यांनी कंपनीत मार्केटिंगमधून करिअरची सुरुवात केली. कंपनी डिसेंबर 2021 मध्ये सूचीबद्ध झाली. दिवंगत अब्जाधीश गुंतवणूकदार राकेश झुनझुनवाला यांच्या पत्नी रेखा झुनझुनवाला यांचा मेट्रो ब्रँड्समध्ये अल्पसंख्याक हिस्सा आहे.फराह बारकाव्यांकडे पूर्ण लक्ष देता. त्यांना व्यवसायात नैपुण्य आहे. फराह यांना वेगवेगळ्या शैलींची सखोल माहिती आहे. त्यांच्या नेतृत्वाखाली फुटवेअर कंपनीने प्रचंड प्रगती साधली आहे. स्केचर्स, क्रोक्स आणि क्लार्क्स यांसारख्या आंतरराष्ट्रीय कंपन्यांशी संबंध निर्माण करण्यासोबतच 250 हून अधिक विश्वासू विक्रेत्यांशी जवळचे संबंध निर्माण करण्यात त्यांचा मोलाचा वाटा आहे.