रब से है दुआ मध्ये 22 वर्षांच्या झेपे नंतर धीरज धूपार साकारणार प्रमुख व्यक्तिरेखा

झी टीव्हीवरीका ‘रब से है दुआ’ ह्या मालिकेमध्ये एक स्त्री आपल्या पतीच्या दुसऱ्या विवाहाच्या विनंतीबद्दल प्रश्न उपस्थित करून आपल्या वेगळ्‌या कथानकासह चर्चेत आहे. ह्या मालिकेत अदिती शर्मा (दुआ), करणवीर शर्मा (हैदर) आणि रिचा राठोड (गझल) यांच्या प्रमुख भूमिका आहेत. मात्र, 21 फेब्रुवारीपासून ह्या मालिकेत 22 वर्षांची झेप घेण्यात येणार असून आता मोठ्‌या दुआच्या भूमिकेत अदिती शर्माच्या जागी अभिनेत्री रेमन ककर दिसून येईल. ती आता बळकट स्त्रीवादी भूमिकेत दिसून येणार असून आपल्या घरच्या व्यवसायाचा ताबा तिच्याकडे आहे.  आता ह्या मालिकेत हैदर आणि दुआची मुलगी मन्नत आणि हैदर आणि गझलची मुलगी इबादत ह्या सावत्र बहिणींबद्दल असेल. एकाहून अधिक स्त्रियांशी संबंध ठेवण्यासाठी कायद्याचा दुरूपयोग करणाऱ्या पुरूषांच्या त्या विरोधात आहेत. त्यांचे असे म्हणणे आहे की काही पुरूष केवळ आपल्या बेवफाईला कायदेशीर बनवण्यासाठी कायद्यातील तरतूदींचा दुरूपयोग करतात. अर्थात नियतीच्या मनात काही वेगळेच असते. आपणही तशाच काहीशा परिस्थितीत आहोत हे त्यांना कळून चुकते जेव्हा त्यांना कळते की त्या दोघीही एकच पुरूष सुभानच्या प्रेमात पडलेल्या आहेत.

सुभानच्या भूमिकेमध्ये टेलिव्हिजनवरील हार्टथ्रॉब धीरज धूपार दिसून येणार आहे. ‘कुंडली भाग्य’मध्ये करण लुथ्राची भूमिका यशस्वीपणे साकारल्यानंतर धीरज पुन्हा एकदा झी टीव्हीवर परतत आहे. सुभान हा अनेक वर्षे परदेशात राहिलेला असून तो दुआ हैदर डिजाईन्स ह्या कौटुंबिक व्यवसायाच्या विदेशातील शाखेचे यशस्वीपणे नियोजन करत असलेल्या एक उद्यमी युवा व्यावसायिक आहे. आपल्या पालकांपेक्षा अधिक जवळचे नाते त्याचे दुआ आंटीसोबत आहे. त्याच्याबद्दलची रोचक गोष्ट ही आहे की आपण एक ‘यूट्‌यूब सिंगिंग सेंसेशन’ असल्याची गोष्ट त्याने सर्वांपासून लपवून ठेवली आहे. आपल्या व्यक्तिगत फायद्यासाठी नाही तर प्रेम आणि आनंद पसरवण्यासाठी त्याचा संगीताच्या ताकदीवर विश्वास आहे आणि त्यामुळे त्याने आपल्या चेहऱ्यावर एक प्रकारचा मुखवटाच धारण केला आहे. एक व्यक्ती म्हणून सुभान अतिशय मितभाषी असून संवेदनशीलता आणि दयाळुपणाने नातेसंबंधांची काळजी घेण्यावर त्याचा विश्वास आहे.

धीरज धूपार म्हणाला, “झी टीव्हीवर ‘रब से है दुआ’ ह्या रोचक मालिकेसह परतताना मी अतिशय रोमांचित आहे. यात मी सुभानची भूमिका साकारत असून तो एक व्यावसायिक आणि एक गुप्त सिंगिंग सेंसेशन आहे. ह्या व्यक्तिरेखेचा वेध घेण्यासाठी मी स्वतः उत्सुक आहे. ह्या मालिकेच्या खास कथानकामुळे मी आकर्षित झालो आणि ह्या मालिकेच्या यशामध्ये योगदान देण्यासाठी मी तयार आहे. ही एक उत्तम संधी आहे आणि कथानकातील झेपेनंतर ह्या मालिकेत प्रेक्षकांना अनेक नाट्‌यमय वळणे पाहायला मिळतील.”