हातकणंगलेची लढत नव्या रूपातील पुनरावृत्ती !

कोल्हापूर : पश्चिम महाराष्ट्रातील अन्य लोकसभा मतदारसंघातील लढती कोणांकोणात होणार याबाबत अनिश्चितता असली तरी त्याला अपवाद आहे तो हातकणंगले मतदारसंघ. येथे गेल्या वेळेचेच खासदार धैर्यशील माने आणि माजी खासदार राजू शेट्टी यांच्यात सामना निश्चित आहे. यामध्ये प्रतीक जयंत पाटील यांची भर पडताना दिसत असल्याने संघर्षाला टोकदार स्वरूप येणार आहे. माने- शेट्टी यांच्यातील लढत म्हणजे गेल्या वेळचीच पण नव्या रंगारूपातील पुनरावृत्ती ठरणार आहे.
गेल्या निवडणुकीत शिवसेनेचे धैर्यशील माने यांनी राजू शेट्टी यांचा पराभव केला होता. तेव्हा शेट्टी हे महाविकास आघाडीच्या पाठिंब्यावर निवडणूक लढले होते. या वेळी पुन्हा उभयतांमध्येच लढत होण्याची चिन्हे आहेत. शेट्टी यांना पाठिंबा देण्यास महाविकास आघाडीची तयारी असली तरी शेट्टी यांना स्वतंत्रपणे रिंगणात उतरायचे आहे. तसे झाल्यास तिंरगी लढत अटळ ठरेल.