पश्चिम महाराष्ट्रातील सर्वात भव्य असे “सतेज कृषी प्रदर्शन चे २२ ते २५ डिसेंबर रोजी आयोजित

पश्चिम महाराष्ट्रातील सर्वात भव्य असे “सतेज कृषी प्रदर्शन चे २२ ते २५ डिसेंबर रोजी आयोजित

कोल्हापूर/प्रतिनिधी : शेतकऱ्यांना एकाच छताखाली नवनवीन शेतीविषयक तंत्रज्ञानाची माहिती मिळावी या उद्देशाने डी. वाय. पाटील ग्रुप, महाराष्ट्र शासन कृषी विभाग, आत्मा कोल्हापूर, कृषी विज्ञान केंद्र यांच्या संयुक्त विद्यमानाने पश्चिम महाराष्ट्रातील भव्य असे “सतेज कृषी व पशुपक्षी प्रदर्शन आयोजित करण्यात येते. यावर्षीचे पाचवे प्रदर्शन २२ ते २५ डिसेंबर २०२३ या कालावधीत तपोवन मैदान येथे आयोजित करण्यात आले आहे. यामध्ये अडीचशे हून अधिक स्टॉल सहभागी होणार आहेत.तर दोनशे पेक्षा अधिक पशु पक्षी जनावरे यांचा समावेश आहे.अशी माहिती माजी मंत्री आमदार सतेज पाटील यांनी प्रसिद्धी पत्रकाद्वारे दिली आहे.
या प्रदर्शनाविषयी अधिक माहिती सांगत असताना आमदार सतेज पाटील यांनी पत्रकात पुढे म्हंटले आहे की चार दिवस चालणाऱ्या या प्रदर्शनाचे उदघाटन २२ डिसेंबर रोजी दुपारी ४ वाजता विविध मान्यवरांच्या हस्ते होणार असून या प्रदर्शनात देश – विदेशातील विविध नामांकित कंपन्यांचा सहभाग आहे. याचबरोबर पशुपक्षी दालन, शेतकऱ्यांना तज्ञांकडून मार्गदर्शन, विविध कंपन्यांची उत्पादने व शेतकऱ्यांसाठी नवनवीन आधुनिक तंत्रज्ञान, मशिनरी यांची माहिती एकाच छताखाली याठिकाणी मिळणार आहे. यावर्षी २०२३ साली होत असलेले हे ५ वे वर्ष असून या प्रदर्शनामध्ये शेतकरी ते ग्राहक असा थेट विक्री होणारा तांदूळ महोत्सव, धान्य महोत्सव, २५० पेक्षा अधिक कृषी कंपन्यांचा सहभाग, २०० पेक्षा अधिक पशु-पक्षांचा सहभाग, शेती विषयक तज्ञांचे मार्गदर्शन व चर्चासत्र, विविध शेती अवजारे, बी-बीयाणे खते आदींची माहिती, फुलांचे प्रदर्शन व विक्री (पुष्पप्रदर्शन) विविध सांस्कृतिक कार्यक्रम व बचत गटांचे मोफत स्टॉल, लहान मुलांसाठी अम्युझमेंट पार्क आदींचा समावेश आहे.
देशातील आघाडीच्या संशोधनपर उपयुक्त शेती साहित्य निर्माण करणाऱ्या रिलायन्स पॉलिमर्स, महालक्ष्मी शेती विकास केंद्र, डी.वाय. पाटील ग्रुप,संजय घोडावत ग्रुप यांचे प्रायोजकत्व प्रदर्शनाला लाभले आहे. त्याचबरोबर महाराष्ट्र शासनाचा कृषी विभाग, आत्मा कोल्हापूर, जिल्हा परिषद, पणन विभाग यांचे सहकार्य लाभले आहे. यासाठी असोसिएशन ऑफ कोल्हापूर बी-बियाणे, किटकनाशके, रासायनिक खत व्यापारी, कोल्हापूर संघटनेचे अध्यक्ष विनोद पाटील, धीरज पाटील, रिलायन्स पॉलिमरचे सत्यजित भोसले, स्काय स्टार इव्हेंटचे स्वप्निल सावंत हे कार्यरत आहेत. या प्रदर्शनामध्ये देशातील आघाडीच्या व विदेशी संलग्नीकरण असलेल्या विविध कृषी क्षेत्रातील संस्था सहभागी होत आहेत. यामध्ये गोकुळ दूध संघ, ओंकार बंब, पाटील ऑईल मशीन, जिल्हा मध्यवर्ती सहकारी बँक, सिद्धीक ऑईल, मयुरेश इंडस्ट्रीज, मिल्क फूड इंजिनियर्स, धनलक्ष्मी आटा चक्की, समृद्धी सोलर आणि मालपाणी ग्रुप, फिनोलेक्स श्री एंटरप्राईजेस, संकेत बायो, रोहन हायटेक ॲग्री, कृष्णा ट्रेडर्स, नवजीवन ॲग्रो, बेनेली बाईक, युनिक ह्युंडाई, कदम बजाज, चेतन मोटर्स, पॉवर सोल्युशन, रॉयल इन्फिल्ड, पॉवर ट्रेलर्स, ट्रॅक्टर रेनबो कंटेनर्स,स्वराज ट्रॅक्टर, महिंद्रा ट्रॅक्टर,लिंमकन,शुगर ऑटोमोबाईल,
पारस,बावस्कर टेक्नॉलॉजी,सम्राट इंडस्ट्रीज,संजय घोडावत,डेक्कन अँग्रो,अश्विनी एंटरप्राइजेस,महालक्ष्मी शेती विकास,वरद एंटरप्राइजेस,चितळे डेअरी,पी. एस. डब्ल्यू,समृद्धी अँग्रो,
संकेत बायोटेक,श्री.एंटरप्राइजेस फिनोलेक्स,साई रोटर, शक्तीमन
समृद्धी (शेतकरी सेवा स्टोअर)
मिल्सन ऑइल, रिलायन्स ग्रुप,सिद्धिविनायक ड्रीप,कृष्णा ट्रेडर्स, सिल्व्हर पंप बी-बियाणे शेतीची अवजारे, खते औषधे आदी कंपन्या सहभागी आहेत.या कंपन्याची उत्पादने पाहावयास मिळणार आहेत. शिवाय शेतीची नवीन माहिती व अन्य नवनवीन औजारे पहावयास मिळणार आहेत. प्रदर्शनामध्ये पीक स्पर्धा, पुष्प स्पर्धा, खाद्य महोत्सव आयोजित करण्यात आला आहे. तसेच शासनाच्या विविध योजनांची माहिती या ठिकाणी दिली जाणार आहे. त्याचबरोबर तीन दिवस विविध सांस्कृतिक कार्यक्रम आयोजित करण्यात आले आहेत. याचबरोबर काही शेतकऱ्यांना शेतीभूषण पुरस्कार, आदर्श शेतकरी पुरस्कार आणि कृषी विभागाच्या वतीने उत्कृष्ट शेतकऱ्यांचा आणि खाद्य स्टॉल स्पर्धा पशुस्पर्धांची बक्षीसही दिले जाणार आहेत. शिवाय आत्माच्या वतीने ही शेतकरी गट कंपन्यांची माहिती दिली जाणार आहे. या प्रदर्शनात तांदूळ महोत्सव देखील भरविण्यात आला असून यामध्ये आजरा घनसाळ, रत्नागिरी २४, भोगावती, इंद्रायणी अशा नमुन्यांचे तांदूळ शेतकऱ्यांकडून थेट विक्रीसाठी उपलब्ध केले जाणार आहे. तर पाणलोट व्यवस्थापन, पाचट व्यवस्थापन आणि हायड्रोलिक चारा तयार करणे.या प्रदर्शनात विविध प्रकारचे जनावरे पशुपक्षी पहावयास मिळणार असल्याचीही माहिती माजी मंत्री आ. सतेज पाटील यांनी प्रसिद्धी पत्रकाद्वारे दिली आहे.

२३ डिसेंबर २०२३
श्री. मंगेश किसन भास्कर यांचे नैसर्गिक शेती (दहा ड्रम तंत्रज्ञान) या विषयावर तर डॉ. नरेंद्रकुमार जे. सुर्यवंशी यांचे फळे व भाजीपाला प्रक्रिया तंत्रज्ञान या विषयावर तर डॉ. परिक्क्षीत देशमुख यांचे दुग्धव्यवसायात जीनोमिक सेक्ससेल सिमेनचे महत्व या विषयावर व्याख्याने होणार आहेत.

२४ डिसेंबर २०२३
डॉ. आबासाहेब साळुंखे शाश्वत ऊस उत्पादन तंत्रज्ञान या विषयावर तर डॉ. अशोक पिसाळ यांचे टंचाईच्या सदृश्य स्थितीत पिकांसाठी पाणी व्यवस्थापन या विषयावर
डॉ. योगेश गंगाधर यांचे वनपौष्टीक भरडधान्य उत्पादन तंत्रज्ञान या विषयावर तर श्री. सत्यजित विजय भोसले यांचे
प्लॉस्टिकल्चर – नवयुगातील शेतक-यांचे आधुनिक साधन व्याख्याने होणार आहेत.