कानाखाली मारणाऱ्यांना परशुराम सेवा संघा कडून १ लाखाचे बक्षीस

मंत्री छगन भुजबळ यांनी केलेल्या वक्तव्यामुळे नव्या वादाला तोंड फुटलं आहे. आपल्यासाठी महात्मा फुले, सावित्राबाई फुले, राजर्षी शाहू महाराज, डॉ. बाबासाहेब आंबेडकर, कर्मवीर भाऊराव पाटील, रावसाहेब थोरात यांनी शिक्षणाची दारे खुली केली. कोणाला सरस्वती, तर कोणाला शारद आवडते. पण, आम्ही यांना पाहिलं नाही किंवा आम्हाला त्यांनी शिक्षण दिलं नाही, असं छगन भुजबळ यांनी होतं. ब्राह्मण घरात संभाजी, शिवाजी नाव ठेवत नाहीत, असेही भुजबळ यांनी म्हटलं होतं. या वक्तव्यांनंतर छगन भुजबळ यांच्यावर टीका करण्यात येत आहे.
छगन भुजबळांच्या कानाखाली मारणाऱ्यांना १ लाख रुपयांच बक्षीस देणार, अशी घोषणा परशुराम सेवा संघाचे अध्यक्ष विश्वजीत देशपांडे यांनी केली आहे. “छगन भुजबळांनी केलेलं वक्तव्य हिंदूधर्मविरोधी आणि हिंदू जातींमध्ये तेढ निर्माण करणारं आहे. तसेच, देवी सरस्वतीचा अपमान करणार आहे. छगन भुजबळांनी कोणाची पूजा करावी? हा त्यांचा व्यक्तिगत प्रश्न आहे.”