no images were found
मुंबई-आग्रा महामार्गावर अपघात
नाशिक : आज शनिवारी पहाटेच्या वेळेस मुंबई आग्रा महामार्गावरील इगतपुरी नांदगावसदो फाट्यावर एका आयशरने कंटेनरला मागून जोरदार धडक दिल्याने भीषण अपघात झाला. या महामार्गाची दुरवस्था असल्यामुळेच अपघात घडल्याची चर्चा आहे. या दुर्घटनेत एकजण जागीच ठार झाला असून एकजण गंभीर जखमी आहे. आयशर मधील चालक व क्लीनर हे दोघेही अडकून राहिले होते. त्या दोघांना २ तासांच्या अथक प्रयत्नांनी बाहेर काढण्यात यश आले. परंतु त्यातील चालक जागीच ठार झाला होता. तर क्लीनरला गंभीर जखमी अवस्थेत होता. टोलनाक्याच्या रुग्णवाहिकेने क्लीनरला पुढील उपचारासाठी इगतपुरी ग्रामीण रुग्णालयात दाखल करण्यात आले आहे.
याबाबत समजलेली अधिक माहिती अशी की, एच. आर. ४६, इ. १७१६ या कंटेनरला एम. एच २०, ए. एल. ३९७७ या क्रमांकाच्या आयशर वाहनाने मागून धडक दिली. हि धडक इतकी जबरदस्त होती की, या अपघातात चालक संजीव कुमार, वय २२ वर्ष, रा. फिरोजाबाद, उत्तरप्रदेश हा जागीच ठार झाला असून क्लीनर गंभीर जखमी आहे. त्याच्यावर ग्रामीण रुग्णालयात उपचार सुरु आहेत.
