अकरा वर्षाखालील मुलामुलींची कोल्हापूर जिल्हा निवड बुद्धिबळ स्पर्धा रविवार दि.23 जुलै ला कोल्हापूरात

कोल्हापूर :- कोल्हापूर जिल्हा बुद्धिबळ संघटनेच्या मान्यतेने व चेस असोसिएशन कोल्हापूरच्या वतीने रविवार दिनांक 23 जुलै 2023 रोजी अकरा वर्षाखालील खुल्या व मुलींच्या गटात स्वतंत्र जिल्हा निवड बुद्धिबळ स्पर्धा घेण्यात येणार आहेत.
छत्रपती शिवाजी महाराज स्टेडियम येथे या स्पर्धा स्विस लीग पद्धतीने आंतरराष्ट्रीय जलद बुद्धिबळाच्या नियमानुसार होणार आहेत.रविवारी सकाळी साडेदहा वाजता या स्पर्धेचे उद्घाटन झाल्यावर स्पर्धेच्या पहिल्या फेरीस प्रारंभ होईल. या स्पर्धेमध्ये फक्त कोल्हापूर जिल्ह्यातील 1/1/2012 ला किंवा त्यानंतर जन्मलेल्या मुलामुलींना भाग घेता येईल.
या निवड स्पर्धेतून दोन मुले व दोन मुलींची निवड 28 ते 30 जुलै 2023 दरम्यान पुणे येथे होणाऱ्या महाराष्ट्र राज्य अकरा वर्षाखालील मुलामुलींच्या निवड बुद्धिबळ स्पर्धेसाठी करण्यात येणार आहे़.
दोन्ही गटातील विजेत्या पहिल्या तीन क्रमांकांना अनुक्रमे रु.500/-, रु. 300/- व रु.200/- रुपये रोख बक्षीस व चषक देऊन गौरवण्यात येणार आहे.
त्याशिवाय निवड झालेल्या बुद्धिबळपटूंना राज्य निवड बुद्धिबळ स्पर्धा खेळून आल्यावर प्रत्येकी एक हजार रुपये व स्पर्धेत खेळण्यासाठी टी शर्ट संघटनेच्या वतीने देण्यात येणार आहे.
या स्पर्धेत सहभागी होण्यासाठी फक्त रुपये 100 प्रवेश शुल्क ठेवले आहे. तरी इच्छुक बुद्धिबळपटूनी आपली नावे शनिवार दिनांक 22 जुलै ला रात्री आठ वाजेपर्यंत प्रवेश फी सह आपली नावे खालील व्यक्तीकडे नोंदवावीत.
1) श्री. भरत चौगुले – 7620067251.
2) मनीष मारुलकर – 9922965173
3) उत्कर्ष लोमटे – 9923058149
4) प्रितम घोडके – 8208650388
5) रोहित पोळ – 9657333926

अखिल भारतीय बुद्धिबळ संघटनेच्या नवीन नियमानुसार सर्व स्पर्धकांनी यावर्षीपासून राज्य संघटनेचे वार्षिक रजिस्ट्रेशन फी रु.150 भरणे आवश्यक आहे तरी या वर्षी चे रजिस्ट्रेशन नसलेल्या सर्व बुद्धिबळपटूंनी स्पर्धा सुरू होण्यापूर्वी महाराष्ट्र बुद्धिबळ संघटनेचे या वर्षासाठीचे रजिस्ट्रेशन ऑनलाईन पद्धतीने खालील लिंक द्वारे करावे ही विनंती.द

Link is live

https://mcachess.in/Tournament_Registration/MCA_Registrations.php